அட்லீயின் அடுத்த படத்தில் ஜெயம் ரவி?

இயக்குநர் ஷங்கர் அவர்களிடம் உதவியாளராக பணி புரிந்து விட்டு ‘ராஜா ராணி’ படத்தின் மூலம் இயக்குநர் அவதாரம் எடுத்தார் அட்லீ. அப்படத்திற்க்கு கிடத்த வரவேற்ப்பைத் தொடர்ந்து விஜய்யை வைத்து தொடர்ச்சியாக ‘தெறி,மெர்சல் மற்றும் பிகில் படங்களை இயக்கி ஹாட்ரிக் வெற்றியை கொடுத்தார். இதன் மூலம் நட்சத்திர இயக்குநர்கள் பட்டியளில் இடம் பிடித்தார் அட்லீ.

இந்த படங்களை தொடர்ந்து ஷாருக்கானை வைத்து புதிய படத்தை இயக்க அட்லீ உள்ளதாக செய்திகள் வெளியானது. பின்னர் ஒரு சில காரணங்களால் அப்படம் கைவிடப்பட்டதாகவும் செய்திகள் வெளியானது.

தற்போது அட்லீ இயக்குநராக மட்டுமில்லாமல் ஒரு தயாரிப்பாளராகவும் களமிறங்கியுள்ளார். தற்போது அர்ஜூன் தாஸ் நடிப்பில் உருவாகியுள்ள ‘அந்தகாரம்’ என்ற படத்தை தயாரித்துள்ளார்.

இப்படதை தொடர்ந்து தன்னுடைய உதவி இயக்குநர் ஒருவரின் படத்தை தயாரிக்க இருப்பதாக கூறப்படுகிறது. இந்த படத்தில் ஹீரோவாக ஜெயம் ரவி நடிக்க இருப்பதாகவும் தகவல்கள் கூறப்படுகிறது.

இது குறித்து அதிகார்வபூர்வ தகவல் மற்றும் அறிவிப்பு விரைவில் வெளியாகும் என தெரிகிறது.