லண்டனில் ஆரம்பமாகும் சிவகார்த்தியேன் நடிக்கும் தெலுங்கு படம் !

தொலைக்காட்சியில் பணிபுரிந்து தன் கடின உழைப்பால் படிபடியாக உயர்ந்து இன்று தமிழ் சினிமாவில் முன்னணி நடிகராக வலம் வருகிறார் சிவகார்த்திகேயன். அது மட்டுமில்லாமல் படங்களையும் தயாரித்து வருகிறார்.

தற்போது டான் படத்தில் நடித்து முடித்துள்ள சிவகார்த்திகேயன் மொத்தமாக 19 படங்களில் நடித்து முடித்துள்ளார். இவரின் 20-வது படத்தை தெலுங்கு இயக்குநர் அனுதீப் இயக்கவுள்ளார்.

இந்த படத்திற்கு இசையமைப்பாளர் தமன் இசையமைக்கிறார். மற்ற தொழில்நுட்ப கலைஞர்களின் விபரம் விரைவில் வெளியாகும்.

இந்த நிலையில் சிவகார்த்திகேயன் நடிக்கவுள்ள முதல் நேரடி தெலுங்கு படத்தின் படப்பிடிப்பு லண்டனில் ஆரம்பிக்கவுள்ளது. அதனை தொடர்ந்து புதுச்சேரியில் நடக்கவுள்ளதாம்.

இந்த தகவல் அனைத்தையும் இப்படத்தை தயாரிக்கும் தயாரிப்பு நிறுவனமான சுரேஷ் புரொடஷன்ஸ் நிறுவனம் ஒரு வீடியோ ப்ரோமோ மூலம் வெளியிட்டுள்ளது. அதோடு இல்லாமல் மிக விரைவில் இப்படத்தின் படப்பிடிப்பு ஆரம்பிக்கவுள்ளதாம்.