News
மங்காத்தா 2 படத்தின் கதையை அஜித்திடம் கூறிவிட்டேன் – வெங்கட் பிரபு !
தமிழில் வெற்றி பெற்ற படங்களின் இரண்டாம் பாகங்கள வெளியாகி வரவேற்பை பெற்றுள்ளன. ரஜினியின் எந்திரன் 2-ம் பாகம். கமல்ஹாசனின் விஸ்வரூபம், அஜித்குமாரின் பில்லா, ஷாலின் சண்டக்கோழி, தனுஷின் வேலை இல்லா பட்டதாரி ஆகிய படங்களின் 2-ம் பாகங்கள் வந்துள்ளன.
சூர்யாவின் சிங்கம், சுந்தர்.சியின் அரண்மனை 3 பாகங்கள் வந்துள்ளன. கமலின் இந்தியன் 2-ம் பாகம் தயாராகிறது. வெங்கட் பிரபு இயக்கத்தில் அஜித் குமார் மற்றும் திரிஷா நடித்து கடந்த 2011-ம் ஆண்டு வெளியான திரைப்படம் ‘மங்காத்தா’ படத்தின் இரண்டாம் பாகத்தை எடுக்க வேண்டும் என வலைத்தளத்தில் ரசிகர்கள் விருப்பம் தெரிவித்து வந்தனர்.
இந்த நிலையில் மங்காத்தா 2-ம் பாகம் விரைவில் உருவாகும் என்று வெங்கட்பிரபு அறிவித்துள்ளார் முதல் பாகத்தை விட இரண்டாம் பாகத்துக்கான திரைக்கதை சிறப்பாக வந்துள்ளது என்றும் மங்காத்தா 2 கதையை அஜித்திடம் தெரிவித்து விட்டதாகவும் கூறியுள்ளார்.
