News
மீண்டும் தொடங்குமா சபாஷ் நாயுடு திரைப்படம் !
லோகேஷ் கனகராஜ் இயக்கத்தில் கமல்ஹாசன் நடித்து பிரம்மாண்ட வெற்றி பெற்றுள்ள திரைப்படம் விக்ரம். சுமார் 4 வருடங்களுக்கு பின்னர் கமல்ஹாசன் நடிப்பில் வெளியாகியுள்ளது இப்படம்.
4 வருடங்கள் கழித்து தன் படம் வந்தாலும் ரசிகர்கள் தன் படத்திற்கு நல்ல வரவேற்பை பெற்றுள்ளதால் மிகவும் மகிழ்ச்சியில் உள்ளார் கமல்ஹாசன். இதனால் இனி தொடர்ந்து படங்களில் நடிக்க முடிவு செய்துள்ளார்.
இந்த நிலையில் 6 ஆண்டுகளாக கிடப்பில் போடப்பட்டுள்ள ‘சபாஷ் நாயுடு’ படத்தை மீண்டும் எடுக்க முடிவு செய்துள்ளதாக தகவல் வெளியாகியுள்ளது. கடந்த 2016-ம் ஆண்டு அமெரிக்காவில் இப்படத்தின் படப்பிடிப்பு தொடங்கியது. பின்னர் இப்படத்தின் இயக்குநர் ராஜீவ்குமார் விலக கமல்ஹாசனே இப்படத்தை இயக்கி வந்தார்.
அப்போது கமல்ஹாசன் மாடிப்படியிலிருந்து விழுந்து கால் எழும்பு முறிந்ததால் படம் நின்று போனது. விக்ரம் படம் மிகப்பெரிய வெற்றி அடைந்ததால் தற்போது சபாஷ் நாயுடு படத்தை மீண்டும் தொடங்க கமல்ஹாசன் திட்டமிட்டுள்ளாராம்.
