என்னால் மட்டும் அல்ல விஜய் இடத்துக்கு யாராலும் வர முடியாது – சிவகார்த்திகேயன் !

மறைந்த ராணுவ வீரர் மேஜர் முகுந்த் வரதாஜன் வாழ்க்கையை கொண்டு உருவாகி உள்ள திரைப்படம் அமரன். சிவகார்த்திகேயன் நடித்துள்ள இப்படத்தை இயக்குநர் ராஜ்குமார் பெரியசாமி இயக்க உலக நாயகன் கமல்ஹாசன், மகேந்திரன் இணைந்து தயாரித்துள்ளனர்.

இப்படத்தின் ப்ரோமோஷன் நிகழ்ச்சியில் கலந்து கொண்டு அளித்துள்ள பேட்டியில் ‘ அமரன் படத்தின் கதையை நான் கேட்டதும் மிகவும் பிடித்து விட்டது. உடனே நடிக்க சம்மதம் தெரிவித்துவிட்டேன்.

இந்த படத்தின் கதையை கேட்டதுமே ஜெயில் சூப்பிரண்டாக இருந்த எனது தந்தையின் நினைவு வந்தது. அவரது உழைப்பு இந்த கதாப்பாத்திரத்தோடு என்னை இணைத்துக் கொள்ள் செய்தது.

முகுந்த் வரதராஜன் வேலை செய்த காஷ்மீரில் படப்பிடிப்பு அதிக அளவில் நடைபெற்றது. அங்குள்ள அனைத்து ராணுவ அதிகாரிகள் எங்களுக்கு நல்ல பாதுகாப்பு கொடுத்தனர்.

தளபதி விஜய் இடத்துக்கு நான் வருவதாக கூறுவது அபத்தமானது. இங்கு சினிமாவில் யாருடைய இடத்தையும் யாரும் பிடிக்க முடியாது. இவ்வளவு ஒரு இடத்தை விட்டு விட்டு அரசியலுக்கு செல்கிறார் என்றால் அவருக்கு வேறு ஒரு இலக்கு இருக்கிறது. அவர் எங்கு சென்றாலும் அவர் இடத்தை யாராலும் சினிமாவில் நிரப்ப முடியாது. அவரின் இடம் அவர் திரும்ப வரும் வரை அப்படியேதான் இருக்கும்.

தற்போது நான் இயக்குநர் ஏ.ஆர்.முருகதாஸ் இயக்கும் படத்தில் நடித்து வருகிறேன். ரஜினி நடிக்கும் கூலி படத்தில் நான் நடிக்கிறேன் என்ற தகவல் அதிகமாக பரவி வருகிறது ஆனால் அப்படி ஒன்றும் இல்லை அது வெறும் வதந்தி என்று தெரிவிட்டார்.