அக்யூஸ்ட் – திரைவிமர்சனம் !

Cast: Udhaya, Yogibabu, Ajmal, Jhanvika Kalakeri
Production: Al.Udhaya, “Daya” N.Pannerselvam, M.Thangavel
Director: Prabhu Srinivas
Screenplay:
Cinematography: Maruthanayagam.I
Editing: K.L Praveen
Music: Naren Balakumar
Language: Tamil
Runtime: 2H 14Mins
Release Date: 1 August 2025

இயக்குனர் பிரபு ஸ்ரீனிவாஸ் இயக்கத்தில் உருவாகி இருக்கும் படம் அக்யூஸ்ட். இந்த படத்தில் உதயா, அஜ்மல், யோகி பாபு, ஜான்விகா, பிரபாகர், டானி, சுபத்ரா உட்பட பலர் நடித்து இருக்கிறார்கள். கிரைம் திரில்லர் பாணியில் வெளியாகி இருக்கும் தற்போது இப்படத்தின் விமர்சனத்தை பார்ப்போம்.

கதை களம்

கதை ஆரம்பம் எம்.எல்.ஏ கொலை வழக்கு குற்றவாளியான நாயகன் உதயா, வழக்கு விசாரணைக்கு நீதிமன்றத்தில் ஆஜப்படுத்துவதற்காக புழல் சிறையில் இருந்து சேலம் நீதிமன்றத்திற்கு அழைத்து செல்லப்படுகிறார். அவரை அழைத்துச் செல்லும் காவலர்கள் குழுவில் கான்ஸ்டபிள் அஜ்மல் இணைந்துக் கொள்கிறார். காவல்துறை வாகனத்தில் பயணிக்கும் போலீஸார், சில பிரச்சனைகளால் அரசு போக்குவரத்து பேருந்தில் செல்ல நேரிடுகிறது. இதற்கிடையே, கைதி உதயாவை கொலை செய்ய வேறு மாநில கும்பல் ஒன்று துரத்துவதோடு, போலீஸ் சப்-இன்ஸ்பெக்டரும் கொலை செய்வதற்கு திட்டம் போடுவதோடு, அதற்கு முட்டுக்கட்டையாக போலீஸ் கான்ஸ்டபிள் அஜ்மல் இருந்தால், அவரையும் கொலை செய்ய முடிவு செய்கிறார்.

கொலை வழக்கு குற்றவாளி உதயா யார்?, அவரது பின்னணி என்ன ?, உதயாவை கொலை செய்ய துரத்தும் கும்பல் யார் ? என்பது மீதி கதை…

பட‌ம் எப்படி இருக்கு

கதையின் நாயகன் உதயா ரவுடி கதாபாத்திரத்தில் நடித்திருந்தாலும், காதல், நகைச்சுவை காட்சிகளில் அசத்தியிருக்கிறார். தனது கதாபாத்திரத்தில் கச்சிதமான நடிப்பை வெளிப்படுத்தியுள்ளார்.

மேலும் போலீஸ் கான்ஸ்டபிளாக நடித்திருக்கும் அஜ்மல். இவர் தனக்கு கொடுக்கப்பட்டுள்ள கதாபாத்திரத்தை மிக சிறப்பாக நடித்துள்ளார் கலையின் முக்கிய பலமான இந்த கதாபாத்திரம் என்பது குறிப்பிடத்தக்கது அதனை மிக எதார்த்தமாகவும் அந்த போலீஸ் கான்ஸ்டபிள் என அந்த பாடி லாங்குவேஜ் உடன் மிக சிறப்பாக நடித்துள்ளார். குறிப்பாக அவ்வபோது தனது வருங்கால மனைவியுடன் போனில் பயந்தும், பாசமாகவும் பேசும் காட்சிகளும் சிறப்பு.

கதையின் நாயகியாக நடித்திருக்கும் ஜான்விகா காளக்கேரி எளிமையான நடிப்பை வெளிப்படுத்தியுள்ளார். ஆனால் சில இடங்களில் லிப் சிங்க செட் அக வில்லை என்பது குறிப்பிடத்தக்கது. மேலும் அஜ்மலின் ஜோடியாக செல்போனில் காதல் செய்யும் மற்றொரு நாயகி சாண்டிகாவின் சிறிய கதாபாத்திரம் என்பதால் நடிப்பிலும் குறையில்லை.

யோகி பாபுவின் கதாபாத்திரம் சிரிக்க வைப்பதோடு, திரைக்கதையோடு ஒன்றி பயணித்து படத்திற்கு பலம் சேர்க்கவும் செய்திருக்கிறது. இக்கதையை எழுதி இயக்கியிருக்கும் பிரபு ஸ்ரீனிவாஸ் கமர்ஷியல் ஆக்‌ஷன் கதையை பல திருப்பங்களோடு சொல்ல முயற்சித்திருக்கிறார். ஆனால் சில இடங்களில் கதை களத்தின் திரைக்கதை ஓட்டம் அவ்வளவு சுவாரசியமாக இல்லை.

இசையமைப்பாளர் நரேன் பாலகுமார் இசையில் பாடல்களும் பின்னணி இசையும் கதைக்கு ஏற்ப பயணித்திருக்கிறது. ஒளிப்பதிவாளர் மருதநாயகம்.ஐ சண்டைக்காட்சிகளையும் பஸ் சேசிங் காட்சிகளையும் சிறப்பாக காட்சிப்படுத்தியிருக்கிறார்.

பிளஸ்

உதயம் மற்றும் அஜ்மல் நடிப்பு, யோகி பாபுவின் காமெடி.

மைனஸ்
திரைக்கதை, சில வசனங்கள்

அக்யூஸ்ட் – சிறப்பான வரவேற்பு

Rating [2.5/5]