அனிருத் – காவ்யா மாறன் திருமண வரவேற்பு: முதல்வர் விஜய்க்கு கலாநிதி மாறன் நேரில் அழைப்பு !

சன் குழுமத் தலைவர் கலாநிதி மாறனின் மகள் காவ்யா மாறன் மற்றும் பிரபல இசையமைப்பாளர் அனிருத் ஆகியோரின் திருமண வரவேற்பு நிகழ்ச்சிக்கு, தமிழக முதல்வர் விஜய்க்கு நேரில் சென்று அழைப்பிதழ் வழங்கப்பட்டுள்ளது.

இசையமைப்பாளர் அனிருத்துக்கும், சன் ரைசர்ஸ் ஹைதராபாத் ஐபிஎல் அணியின் உரிமையாளரும், கலாநிதி மாறனின் மகளுமான காவ்யா மாறனுக்கும் திருமணம் நடைபெற உள்ளதாக கடந்த சில மாதங்களாகவே சமூக வலைத்தளங்களில் தகவல்கள் வெளியாகி வந்தன.

இந்நிலையில், இவர்களது திருமணம் தற்போது முறைப்படி முடிவாகியுள்ளது. வரும் நவம்பர் 21-ஆம் தேதி இவர்களது திருமண வரவேற்பு நிகழ்ச்சி பிரமாண்டமாக நடைபெற உள்ளது.

இதனையொட்டி, திருமண வரவேற்புக்கான முதல் அழைப்பிதழை சன் குழுமத் தலைவர் கலாநிதி மாறன், அவரது மனைவி காவேரி மாறன் மற்றும் இசையமைப்பாளர் அனிருத் ஆகியோர் தமிழக முதல்வர் விஜய்யை நேரில் சந்தித்து வழங்கினர்.

முன்னதாக, சமீபத்தில் வெளியான ‘ஜெயிலர் 2’ படத்தின் முதல் நாள் காட்சியை திரையரங்கில் காவ்யா மாறன் கண்டு ரசித்தது குறிப்பிடத்தக்கது. அனிருத் – காவ்யா மாறன் இணையருக்கு திரையுலகினரும், ரசிகர்களும் தங்களது வாழ்த்துகளைத் தெரிவித்து வருகின்றனர்.