அரசன் படத்திற்காக அமைக்கப்பட்ட பிரம்மாண்ட செட் !

தமிழ் சினிமாவே ஆவலோடு எதிர்பார்த்துக் கொண்டிருக்கும் ஒரு மாஸ் கூட்டணி என்றால் அது இயக்குனர் வெற்றிமாறன் மற்றும் சிலம்பரசன் (STR) காம்போ தான். இவர்கள் கூட்டணியில் உருவாகி வரும் ‘அரசன்’ திரைப்படம் குறித்த லேட்டஸ்ட் மற்றும் சுடச்சுட அப்டேட் தற்போது வெளியாகியுள்ளது.

வித்தியாசமான கதைக் களங்களை தேர்ந்தெடுத்து நடிப்பதில் தற்போதைய சிம்பு வேற லெவலில் மாஸ் காட்டி வருகிறார். அந்த வகையில், ‘அரசன்’ திரைப்படத்தில் சிம்பு இதுவரை இல்லாத அளவுக்கு 3 விதமான வித்தியாசமான தோற்றங்களில் (3 Different Looks) நடித்து வருகிறாராம். இது STR ரசிகர்களுக்கு நிச்சயம் ஒரு செம ட்ரீட்டாக இருக்கும் என்பதில் சந்தேகமில்லை.

இந்த படத்தின் மிக முக்கிய சிறப்பம்சமே, இது வெற்றிமாறனின் பிளாக்பஸ்டர் படமான ‘வட சென்னை’ படத்தின் சினிமாடிக் யுனிவர்ஸாக உருவாகி வருகிறது என்பதுதான்.

அடுத்த லெவல் மல்டிஸ்டாரர் படமாக உருவாகும் இதில், முக்கிய கதாபாத்திரத்தில் மக்கள் செல்வன் விஜய் சேதுபதி நடிக்கிறார். மேலும் ‘வட சென்னை’ படத்தில் நடித்த அமீர், சமுத்திரக்கனி, கிஷோர், ஆண்ட்ரியா உள்ளிட்ட அதே நட்சத்திர பட்டாளங்கள் இதிலும் இணைந்துள்ளனர்.

படத்தின் முக்கிய காட்சிகள் அனைத்தும் 80, 90-களின் வட சென்னையை மையப்படுத்தி எடுக்கப்பட வேண்டும் என்பதால், சென்னை கிழக்கு கடற்கரைச் சாலை (ECR) பகுதியில் பிரம்மாண்டமான வட சென்னை செட் அமைக்கப்பட்டுள்ளது. மெகா பட்ஜெட்டில் உருவாக்கப்பட்டுள்ள இந்த செட்டில் தற்போது விறுவிறுப்பாகப் படப்பிடிப்பு நடைபெற்று வருகிறது.