இதுதான் டாக்டர் படத்தின் கதை இயக்குனர் சொன்ன ரகசியம் !

நயன்தாரா நடிப்பில் வெளியான ‘கோலமாவு வெளியான’ படத்தை தொடர்ந்து அப்படத்தின் இயக்குனர் நெல்சன் சிவகார்த்திகேயனை வைத்து ‘டாக்டர்’ படத்தை இயக்கி வருகிறார்.

இப்படத்தின் படப்பிடிப்பு 80 சதவீதம் முடிவடைந்த நிலையில் திடீரென ஏற்பட்ட கொரோனா ஊரடங்கால் தற்போது படப்பிடிப்பு நிறுத்தி வைக்கப்பட்டுள்ளது. கொரோனா லாக்டவுன் முடிவுக்கு வந்தவுடன் இப்படத்தின் படப்பிடிப்பு மீண்டும் தொடங்க உள்ளது.

இந்நிலையில் இப்படத்தின் கதை குறித்து இயக்குனர் கூறியது ‘டாக்டர்’ என்ற தலைப்பை பார்த்தும் இது மெடிக்கல் கிரைம் கதை என பலரும் நினைக்கின்றனர். ஆனால் இது உண்மையில் அதிரடி நகைச்சுவை படமாக உருவாகி வருகிறது.

இப்படத்தின் கதைப்படி நடக்கும் சம்பவம் ஒன்றில் 6 பேர் மாட்டிக் கொள்கிறார்கள். அதிலிருந்து அவர்கள் எவ்வாறு விடுபடுகின்றனர் என்பதுதான் கதை. காமெடியன்கள் காமெடி செய்ய வேண்டும் என்பதை உடைத்து இப்படத்தின் அனைத்து கதாப்பாத்திரங்களும் காமெடி செய்யும் வகையில் உருவாக்கப்பட்டுள்ளது.

முதல் பாதி முழுக்க முழுக்க அதிரடி நகைச்சுவை காட்சிகளாகவும் இரண்டாம் பாதி முழுவதும் வித்தியாசமான பாணியில் இருக்கும் என்கிறார். இரண்டாம் பாதி பெரும்பாலும் கோவாவில் படமாக்கப்பட்டுள்ளது.