கடும் போட்டியில் சிவகார்த்திகேயன் – சிம்பு காரணம் என்ன?

அல்லு அர்ஜுன் நடிப்பில் கடந்த ஜனவரி மாதம் வெளியான அலா வைகுந்தபுரம்லூ படத்தின் தமிழ் ரீமேக்கில் நடிக்க தமிழ் நடிகர்களிடையே போட்டி ஏற்பட்டுள்ளதாக சொல்லப்படுகிறது.ஆனால் இந்த தகவல் எந்த அளவிற்க்கு உண்மை என்று தெரியவில்லை.

கடந்த ஜனவரி மாதம் 10 ஆம் தேதி சங்கராந்தி பண்டிகையை முன்னிட்டு வெளியான திரைப்படம் அலா வைகுந்தபுரம்லூ. பணக்கார வீட்டில் பிறக்கும் அல்லு அர்ஜுன் விதிவசத்தால் ஏழை ஒருவரின் வீட்டுக்கு மருத்துவமனையிலே மாற்றப்பட 25 ஆண்டுகள் கழித்து தன் தாய் தந்தையரைப் பற்றி தெரிந்துகொண்டு அவர்களோடு எப்படி சேர்கிறார் என்கிற பழைய எம்ஜிஆர் படங்களின் கதைதான். ஆனால் அல்லு அர்ஜுனின் ஸ்டைலான நடிப்பாலும் பாடல்களாலும் படம் வெற்றிபெற்று இதுவரை 200 கோடிக்கும் மேல் வசூல் செய்துள்ளதாக சொல்லப்படுகிறது.

இந்நிலையில் இந்த படத்தின் தமிழ் ரீமேக்கை வாலு, ஸ்கெட்ச் மற்றும் சங்கத்தமிழன் ஆகிய படங்களை இயக்கிய விஜய் சந்தர் இயக்க சிம்பு நடிக்கப்போவதாக சொல்லப்பட்டது. ஆனால் இப்போது சிவகார்த்திகேயன் அந்த படத்தில் நடிக்க இருப்பதாக ஒரு தகவல் வெளியாகியுள்ளது.

ஆனால் தெலுங்கு தயாரிப்பு நிறுவனம் இன்னமும் அந்த உரிமையை யாருக்கும் கொடுக்கவில்லை எனக் கூறியுள்ளது. அதுமட்டுமில்லாமல் தமிழ் ரீமேக் உரிமைக்காக ஒரு பெரும் தொகையை கேட்பதாகவும் சொல்லப்படுகிறது.