கவுதம் மேனனுக்கு ஜோடியாக அமலா பால்?

வேல்ஸ் பிலிம்ஸ் ஜசரி கனேஷ் அவர்களின் தயாரிப்பில் உருவாகிவரும் ஆந்தாலஜி திரைப்படம் ‘ஒரு குட்டி லவ் ஸ்டோரி’ இந்த ஆந்தாலஜி படத்தை கெளதம் மேனன்,வெங்கட் பிரபு,ஏ.எல்.விஜய் மற்றும் நலன் குமாரசாமி ஆகிய 4 இயக்குநர்கள் 4 பாகமாக இயக்கி வருகிறார்கள்.

இந்நிலையில் கெளதம் மேனன் இயக்கும் குறிப்பிட்ட அந்த பாகத்தில் அவரே ஹீரோவாக நடிக்கவிருப்பதாகவும் அவருக்கு ஜோடியாக அமலாபால் நடிக்க இருப்பதாகவும் கூறப்படுகிறது. நலன் குமாரசாமி இயக்கும் பாகத்தில் மக்கள் செல்வன் விஜய்சேதுபதி முக்கிய வேடத்தில் நடிக்க இருப்பதாகவும் அவரது பகுதியின் படப்பிடிப்பு சமீபத்தில் சென்னையில் முடிவு அடைந்ததாகவும் தகவல்கள் வெளிவந்தன.

ஏ.எல்.விஜய் இயக்கும் பாகத்தில் நாயகிக்கு முக்கியத்துவம் அளிக்கும் வகையில் கதை என்றும் அதில் மேகா ஆகாஷ் முக்கிய வேடத்தில் நடிக்கிறார் என்பதும் குறிப்பிடத்தகது. அதேபோல் வெங்கட் பிரபு இயக்கும் பாகத்தில் சாஷி அகர்வால் நாயகியாகவும் நடிக்க இருப்பதாகவும் இதன் படத்தின் படப்பிடிப்பு நடைபெற்று வருவதாகவும் கூறப்படுகிறது.

மேலும் இந்த படங்கள் ஓ.டி.டிக்காக எடுக்கப்பட்டாலும் படம் சிறப்பாக வந்திருப்பதால் தியேட்டரில் வெளியிட வாய்ப்பு இருப்பதாகவும் கூறப்படுகிறது.