சிம்புவை வைத்து மீண்டும் படம் இயக்குகிறாரா மணிரத்தினம் !

மணிரத்தினம் தற்போது மாபெரும் வரலாற்று நாவலை தழுவி பொன்னியின் செல்வன் என்னும் படத்தை இயக்கி வருகிறார்.இந்தப் படத்தின் படப்பிடிப்பு வேலைகள் தாய்லாந்து மற்றும் இந்தியாவில் விறுவிறுப்பாக நடைபெற்று வருகிறது. இந்நிலையில் அவர் தனது அடுத்த படத்தில் சிம்புவை இயக்க இருப்பதாக தகவல்கள் வெளியாகியுள்ளது.

சிம்பு தற்போது மாநாடு என்னும் படத்தில் நடிக்க உள்ளார். இந்த படத்தில் சிம்புவிற்கு ஜோடியாக கல்யாணி பிரியதர்ஷன் நடிக்கிறார். மேலும் இந்தப் படத்தில் இயக்குனரும் நடிகருமான எஸ் ஜே சூர்யா நடிக்க உள்ளார். எஸ் ஜே சூர்யா வில்லனாக நடிக்கலாம் என எதிர்பார்க்கப்படுகிறது.

ஏற்கனவே ஸ்பைடர் படத்தில் தனது வில்லத்தனமான நடிப்பால் தமிழ் மற்றும் தெலுங்கு ரசிகர்களை கவர்ந்தவர். வெங்கட் பிரபு இயக்கும் மாநாடு படத்திற்கு யுவன் ஷங்கர் ராஜா இசை அமைக்கிறார். இந்த படத்தை தயாரிக்கிறார் சுரேஷ் காமாட்சி. மாநாடு படத்தின் படப்பிடிப்பு வேலைகள் விரைவில் தொடங்க உள்ளது.

மாநாடு படம் முடிந்தவுடன் மணிரத்னம் இயக்கும் படத்தில் சிம்பு இணைவார் என்று எதிர்பார்க்கப்படுகிறது. ஆனால் இதுகுறித்து எந்த ஒரு அதிகாரபூர்வமான தகவல் வெளியாகவில்லை. ஏற்கனவே சிம்பு மணிரத்னம் இயக்கத்தில் செக்கச்சிவந்த வானம் படத்தில் நடித்திருக்கிறார் என்பது குறிப்பிடத்தக்கது.

By:Saranya
Follow @Saran55288794