ஜெய்ப்பூரில் அடுத்த கட்ட படப்பிடிப்பை நடத்தும் பொன்னியின் செல்வன் படக்குழு !

அமரர் கல்கியின் பொன்னியின் செல்வன் நாவலை இயக்குனர் மணிரத்னம் திரைப்படமாக்கி வருகிறார். இப்படத்தில் விக்ரம், கார்த்தி, ஜெயம் ரவி, விக்ரம் பிரபு, ஐஸ்வர்யா ராஜேஷ், ஐஸ்வர்யா லட்சுமு உள்ளிட்ட மெஹா நடிகர் நடிகைகள் பட்டாளமே நடித்து வருகிறார்கள்.

இதில் முக்கியமான கதாப்பாத்திரத்தில் நடிக்கும் நடிகர் நடிகைகளுக்கு குதிரையேற்றம், வாள் சண்டை உள்ளிட்ட பல பயிற்சிகள் ஏற்கனவே கொடுக்கப்பட்டுள்ளாது. இரண்டு பாகங்களாக வெளியாக உள்ள இப்படம் தமிழ் மட்டுமின்றி தெலுங்கு, இந்தி மொழியிலும் தயாரிக்கப்பட்டு வருகிறது.

தாய்லாந்து இந்தோஷியா ஐதராபாத் ஆகிய இடங்களைத்தொடர்ந்து தற்போது இப்படத்தின் அடுத்த கட்ட படப்பிடிப்பு வரும் ஏப்ரல் மாதம் ஜெய்பூர் மற்றும் அதன் சுற்றுப்புற பகுதிகளில் ஒரு மாதம் காலம் நடக்கவுள்ளது. இதற்காக ஒட்டுமொத்த படக்குழுவும் ஜெய்பூர் செல்ல உள்ளது.