முதல்முறையாக 5 மொழிகளில் வெளியாகும் தமிழ் படம் அயலான் !

சிவகார்த்திகேயன் ரசிகர்களுக்கு பிறந்தநாள் பரிசாக இன்று காலை “டாக்டர்” படத்தின் பர்ஸ்ட் லுக் போஸ்டர் வெளியானது. தற்போது சயின்ஸ் பிக்சன் படமான “அயலான்” படத்தின் ஃபர்ஸ்ட் லுக் போஸ்டரும் வெளியாகி இருக்கிறது.

இன்று நேற்று நாளை இயக்குனர் ரவிக்குமார் இயக்கத்தில் சிவகார்த்திகேயன், ரகுல் பிரீத் சிங் நடிப்பில் உருவாகி வரும் படம் அயலான். இந்தப் படம் ஏலியன் சப்ஜெக்ட் என்பது ஃபர்ஸ்ட் லுக் போஸ்டர் மூலம் நூறு சதவீதம் உறுதி ஆகிவிட்டது.

ஃபர்ஸ்ட் லுக் போஸ்டரில் ஏலியன் கையிலும் சிவகார்த்திகேயன் கையிலும் லாலிபாப் இருக்கிறது. இந்த படம் சைன்ஸ்பிக்ஸன் கலந்த காமெடி படமாக இருக்கும் என எதிர்பார்க்கப்படுகிறது.

சிவகார்த்திகேயன் நடிப்பில் உருவாகிவரும் “அயலான்” படம் முதல்முறையாக 5 மொழிகளில் வெளியாக உள்ளது. இந்தப் படத்துக்கு இசையமைக்கிறார் ஏ ஆர் ரஹ்மான்.

By : Saranya
Follow @Saran55288794