தனுஷ் நடிக்கும் D40 படத்தின் தலைப்பு, ஃபர்ஸ்ட் லுக் மற்றும் மோஷன் போஸ்டர் வெளியானது !

தனுஷ் நடிக்கும் D40 படத்தின் ஃபர்ஸ்ட் லுக் மற்றும் மோஷன் போஸ்டர் படக்குழு அறிவித்தபடியே இன்று மாலை 5 மணிக்கு வெளியானது.கார்த்திக் சுப்புராஜ் இயக்கத்தில் தனுஷ் நடிக்கும் படத்துக்கு “ஜகமே தந்திரம் ” என தலைப்பு வைக்கப்பட்டுள்ளது.

அசுரன் படம் வெளியாகும் முன்பே கார்த்திக் சுப்புராஜ் இயக்கத்தில் தனுஷ் நடிக்கிறார் என அதிகாரப்பூர்வ அறிவிப்பு வெளியானது. இந்த படத்தின் படப்பிடிப்பு லண்டனில் தொடங்கியது கிட்டத்தட்ட 80 சதவீத படப்பிடிப்பு லண்டனில் படமாக்கப்பட்டது.மதுரையில் சில காட்சிகள் எடுக்கப்பட்டு படப்பிடிப்பு முடிவடைந்து விட்டதாக படக்குழு அறிவித்தது.

ரஜினிகாந்தின் பாடல் வரிகளான “ஜகமே தந்திரம்” என பெயரிடப்பட்டுள்ளது. இந்த படத்தின் ஃபர்ஸ்ட் லுக்கை சமூக வலைத்தளங்களில் தனுஷ் ரசிகர்கள் கொண்டாடி வருகிறார்கள்.

இந்த படத்தில் நாயகியாக ஐஸ்வர்யா லட்சுமி நடித்துள்ளார். கலையரசன் ,ராசுகுட்டி மற்றும் ஹாலிவுட் நடிகர்கள் ஆகியோர் முக்கிய கதாபாத்திரத்தில் நடித்துள்ளனர். சந்தோஷ் நாராயணன் இசையமைத்திருக்கிறார்.இந்தப் படம் மே 1 ஆம் தேதி வெளியாகும் என ஃபர்ஸ்ட் லுக் மற்றும் மோஷன் போஸ்டரில் படக்குழு அதிகாரபூர்வமாக தெரிவித்துள்ளனர்.

By : Saranya
Follow @Saran55288794