5வது முறையாக இணையும் தனுஷ் – வெற்றிமாறன் கூட்டணி?

பொல்லாதவன் , ஆடுகளம், வட சென்னை ,அசுரன் ஆகிய படங்களில் இணைந்த வெற்றிமாறன் தனுஷ் கூட்டணி மீண்டும் 5வது முறை இணைவதாக சமூக வலைத்தலங்களில் தகவல் பரவியுள்ளாது.

இப்படத்தை எல்ரெட் குமார் தயாரிப்பதாக தெரிகிறது. ஆனால் சூர்யா நடிக்கும் வாடிவாசல் படத்தை இயக்க ஒப்பந்தமாகியுள்ள வெற்றிமாறன் மீண்டும் தனுஷ் நடிக்கும் படத்தை இயக்குவதாக எப்போது சொன்னார் என்ற கேள்வியும் எழுந்துள்ளது.

அதாவது வட சென்னை படம் ரீலீசானபோது உடனே இதன் 2ம் பாகம் உருவாகும் என்று அறிவித்தார். ஆனால் அசுரன் படத்தை அவர் உருவாக்கினார்.இயையடுத்து காமெடி நடிகர் சூரி கதையின் நாயகனாக நடிக்கும் படத்தை வெளிநாட்டில் படமாக்க இருப்பதாக வெற்றிமாறன் அறிவித்தார்.அதற்குள் கொரோனா வைரஸ் கோரதாண்டவம் ஆடிவிட்டதால் இப்போது கதைக்களத்தை தமிழகத்திலெயே நடப்பது போல் மாற்றிவிட்டார்.

லாக்டவுன் முடிந்தவுடன் அப்படத்தை குறுகியகாலத்தில் உருவாக்கும் வெற்றிமாறன் அடுத்து சூர்யா நடிக்கும் வாடிவாசல் படத்தை முடிக்கிறார். பிறகு 5வது முறியாக தனுஷூடன் இணைகிறார் என்ற நம்பகமான தகவல் கிடைத்துள்ளது.