விக்ரம் படத்தில் இணைந்த காளிதாஸ் !

மாஸ்டர் படத்தின் மிகப்பெரிய வெற்றிக்கு பின்னர் இயக்குநர் லோகேஷ் கனகராஜ் இயக்கும் திரைப்படம் விக்ரம். கமல்ஹாசன் நடிக்கும் இப்படத்தில் விஜய்சேதுபதி, பகத் பாசில், நரேன் ஆகிய முன்னணி நடிகர்கள் நடிக்கிறார்கள். தற்போது இப்படத்தின் படப்பிடிப்பு சென்னையில் வேகமாக நடைபெற்று வருகிறது.

இந்த நிலையில் மலையாள நடிகர் ஜெயராமின் மகனான காளிதாஸ் இப்படத்தில் புதிதாக இணைந்துள்ளார். இதை லோகேஷ் கனக்ராஜ் அவர்களே அதிகாரபூர்வமாக தெரிவித்துள்ளார். இப்படத்தில் காளிதாஸ் கமல்ஹானுக்கு மகனாக நடிக்கவிருக்கிறார் என்றும் கூறப்படுகிறது.

ஒரு பக்கக் கதை என்ற படத்தின் மூலம் கதாநாயனாக அறிமுகமான காளிதாஸ் மலையாளத்தில் தனக்கான ஒரு இடத்தை பிடித்து விட்டார். ஆனால் தமிழ் சினிமாவில் இவரால் அப்படி ஒரு இடத்தை இன்னும் பிடிக்கவில்லை கண்டிப்பாக அந்த வாய்ப்பை இந்த விக்ரம் படம் அவருக்கு கொடுக்கும் என்று எதிர்பார்க்கப்படுகிறது.

விக்ரம் படத்தை கமல்ஹாசனின் சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் மூலம் தயாரிக்கிறார். இப்படத்துக்கு ராக்ஸ்டார் அனிருத் இசையமைக்கிறார்.