நடிகை குஷ்புக்கு கொரொனா தொற்று உறுதியானது !

பிரபல நடிகையும், பாஜக செய்தித் தொடர்பாளருமான குஷ்புவுக்கு கொரோனா தொற்று உறுதியாகியுள்ளது. இதையடுத்து அவர், தன்னை தனிமைப்படுத்திக் கொண்டுள்ளதாக தெரிவித்துள்ளார்.

இதுகுறித்து நடிகை குஷ்பு தனது ட்விட்டர் பக்கத்தில் வெளியிட்டுள்ள பதிவில், “கொரோனா இரண்டு அலைகளுக்கு பிறகு இறுதியாக 3-வது அலையில் எனக்கு கொரோனா தொற்று உறுதியாகி விட்டது. நேற்று மாலை வரை எனக்கு கொரோனா நெகட்டிவ் வந்தது.

ஆனால் தொடர்ந்து மூக்கில் சளி இருந்து கொண்டே இருந்தது. மீண்டும் ஒரு முறை சோதனை செய்ததில் கொரோனா தொற்று உறுதியானது. அடுத்த 5 நாட்களுக்கு என்னை தனிமைப்படுத்திக் கொண்டுள்ளேன். தனிமையில் இருப்பது வெறுப்பாக இருக்கிறது.

எனவே, என்னை ட்விட்டரில் தொடர்ந்து பொழுதை போக்க உதவுங்கள். உங்களுக்கு ஏதேனும் அறிகுறிகள் இருந்தால் போய் கொரோனா பரிசோதனை மேற்கொள்ளுங்கள்” எனக் கூறியுள்ளார்.