ஜூலை 15-ம் தேதி வெளியாகும் அஜித்தின் வலிமை பர்ஸ்ட் லுக்?

இந்த படத்தின் படப்பிடிப்புகள் 90 சதவீதம் முடிவடைந்து இறுதி சண்டைக்காட்சி எடுப்பதற்குள் கொரோனா இரண்டாம் அலை காரணமாக அது தள்ளி வைக்கப்பட்டுள்ளது. தற்போது படப்பிடிப்புகளுக்கு அனுமதி கொடுத்துள்ளாது தமிழக அரசு எனவே மீண்டும் படப்பிடிப்பு துவங்கவுள்ளது.

வலிமை படத்தின் அப்டேட் கேட்டு ரசிகர்கள் ஆர்ப்பாட்டம் செய்யவும் ஆரம்பித்தனர். காரணம் படம் ஆரம்பித்து ஒன்றரை ஆண்டுகளாக எந்தவொரு அப்டேட்டும் கொடுக்கவில்லை என்றுதான் அந்த ஆர்ப்பாட்டம். இதனால் பல இடங்களில் போஸ்டர் ஒட்டுதல், அரசியல் மேடைகள் மற்றும் கிரிக்கெட் மைதானங்களில் வலிமை அப்டேட் கேட்டு தொல்லை கொடுத்தனர். இதனால் அஜித் பிறந்த தினத்தில் வலிமை படத்தின் பர்ஸ்ட் லுக் வெளியாகும் என்று அறிவித்தது படக்குழு. ஆனால் அதுவும் கொரோனா இரண்டாம் அலை காரணமாக தள்ளி வைக்கப்பட்டது.

இந்த நிலையில் கொரோனா பாதிப்புகள் குறைந்துள்ள நிலையில் வலிமை படத்தின் பர்ஸ்ட் லுக் போஸ்டரை அடுத்த மாதம் ரிலீஸ் செய்ய படக்குழு திட்டமிட்டு வருகிறதாம். இதையடுத்து ஜூலை 15-ம் தேதி வியாழக்கிழமை வெளியாகவிருப்பதாக கூறப்படுகிறது.