விடாமுயற்சி படப்பிடிப்பு முடிந்த கையோடு 9 கோடி மதிப்பில் Ferrari கார் வாங்கிய அஜித் குமார் !

இயக்குநர் மகிழ்திருமேனி இயக்கத்தில் அஜித் குமார் தற்போது நடித்து வரும் திரைப்படம் விடாமுயற்சி. லைகா புரொடக்ஷன்ஸ் இப்படத்தை பிரம்மாண்டமாக தயாரித்துள்ளது.

கடந்த சில நாட்களாக அஜர்பைஜான் நாட்டில் நடைபெற்று வந்த படப்பிடிப்பு நேற்று முன்தினம் முழுவதுமாக முடிவைந்துவிட்டதாக படக்குழு அறிவித்துள்ளது. மேலும் படக்குழு அங்கு எடுத்துக்கொண்ட புகைப்படம் இணையத்தில் வெளியானது.

இதனை தொடர்ந்து இப்படத்தின் இறுதிக்கட்ட படப்பிடிப்பு ஹைதராபாத்தில் உள்ள ராமோஜிராவ் ஃபிளிம் சிட்டியில் விடாமுயற்சி படத்தின் இறுதிக்கட்ட படப்பிடிப்பு நடைபெறும் என்றும் அத்துடன் விடாமுயற்சி படத்தின் ஒட்டுமொத்த படப்பிடிப்பும் முடிவடைவதாகவும் கூறப்படுகிறது.

இந்த நிலையில் படப்பிடிப்பு முடிந்தவுடன் படக்குழு அனைவரும் சென்னை திரும்பி விட்ட நிலையில் அஜித் குமார் மட்டும் சென்னை திரும்ப வில்லை என்றும் இன்னும் அவர் துபாயிலேயே இருப்பதாகவும் கூறப்படுகிறது.

படப்பிடிப்பு முடிந்த பின்னர் துபாயில் சுமா ரூ.9 கோடி மதிப்புள்ள ஃபெராரி சிவப்பு நிற கார் ஒன்றை வாங்கியுள்ளார். ஏற்கனவே அங்கு சொந்தமாக வீடு வாங்கிய நிலையில் தற்போது விலையுயர்ந்த கார் ஒன்றையும் வாங்கியுள்ளார்.