சர்கார் வசூல் சாதனையை முறியடித்தார் அண்ணாத்த !

சிறுத்தை சிவா இயக்கத்தில் சூப்பர் ஸ்டார் ரஜினிகாந்த், நயன்தாரா, கீர்த்தி சுரேஷ், குஷ்பூ, மீனா, என முன்னணி நடிகர் நடிகைகளின் நடிப்பில் நேற்று வெளியான திரைப்படம் அண்ணாத்த.

படம் வெளியானதும் தற்போது வரை விமர்சகர்கள் பலர் இந்த படத்திற்கு நெகட்டிவ் விமர்சனங்களை அளித்தார்கள். இந்த விமர்சனங்களை எல்லாம் மீறி அண்ணாத்த திரைப்படம் நேற்று மட்டும் சுமார் 35 கோடி ரூபாய் வசூல் செய்துள்ளது என்பது குறிப்பிடத்தக்கது. விஜய்யின் சர்கார் திரைப்படம் முதல் நாளில் 32 கோடி ரூபார் வசூல் செய்தது இதுவரை சாதனையாக இருந்து வந்தது அந்த சாதனையை அண்ணாத்த முறியடித்துள்ளது என்பது குறிப்பிடத்தக்கது.

அண்ணாத்த நேற்று ஒரே நாளில் சென்னையில் மட்டும் ஒன்றரை கோடி வசூல் செய்து புதிய ஒரு சாதனை செய்துள்ளதாகவும் கூறப்படுகிறது. அண்ணாத்த படத்திற்கு நெகட்டிவ் விமர்சங்கள் வந்தாலும் அது வசூலை கடுகளவு கூட பாதிக்கவில்லை என்று கூறுகிறார்கள் திரையரங்கு உரிமையாளர்கள்.