அருண் விஜய் நடிக்கும் வணங்கான் முதல் கட்ட படப்பிடிப்பு நிறைவு !

இயக்குநர் பாலா இயக்கத்தில் அருண் விஜய் நடித்து வரும் வணங்கான் படத்தின் முதல்கட்ட படப்பிடிப்பு நிறைவடைந்துள்ளது. இதனையடுத்து அடுத்தக்கட்ட படப்பிடிப்பு திருவண்ணாமலையில் நடைபெறவுள்ளது.

பாலா இயக்கத்தில் வணங்கான் படத்தில் சூர்யா நடித்து வந்தார். இவர்கள் இருவருக்கும் ஏற்பட்ட கருத்து வேறுபாடு காரணாம சூர்யா இப்படத்திலிருந்து விலகினர். இதனையடுத்து இப்படத்தின் நாயகனாக நடிகர் அருண் விஜய் ஒப்பந்தமானார்.

இப்படத்தின் முதல்கட்ட படப்பிடிப்பு பிப்ரவரி மாதம் கன்னியாகுமரியில் ஆரம்பித்தது. இதில் படத்தின் பல முக்கியமான காட்சிகள் படமாக்கப்பட்டன. தற்போது இதன் முதல்கட்ட படப்பிடிப்பு நிறைவடைந்துள்ளது.

இந்த நிலையில் அடுத்த கட்ட படப்பிடிப்பு ஏப்ரல் மாதம் திருவண்ணாமலையில் தொடங்கவுள்ளது. அருண் விஜய்க்கு ஜோடியாக ரோஷினி பிரகாஷ் ஜோடியாக நடித்து வருகிறார். இவர்களுடன் சமுத்திரக்கனி முக்கிய கதாப்பாத்திரத்தில் நடித்து வருகிறார்.