பார்ட்டி கொண்டாடிய சல்மான் கான் பதம் பார்த்த பாம்பு !

பிரபல பாலிவுட் நடிகரான சல்மான் கான் தன் பண்ணை வீட்டில் தங்கியிருக்கிறார். இந்நிலையில் இன்று அதிகாலை அவரை பாம்பு கடித்துவிட்டது. அது விஷமில்லாத பாம்பு தானாம்.

உடனே அவரை எம்.ஜி.எம். மருத்துவமனைக்கு அழைத்துச் சென்றனர். சிகிச்சை முடிந்து காலை 9 மணிக்கு வீடு திரும்பினார். சல்மான் கானை பாம்பு கடித்த செய்தி அறிந்த ரசிகர்கள் கவலை அடைந்திருக்கிறார்கள். பாய், பார்த்து பத்திரமாக இருங்க என சமூக வலைதளங்களில் தெரிவித்துள்ளனர்.

தற்போது டைகர் 3 படத்தில் நடித்து வருகிறார் சல்மான் கான். முன்னதாக வெளியான ஏக் தா டைகர், டைகர் ஜிந்தா ஹை ஆகிய இரண்டு படங்களுமே ஹிட். இந்நிலையில் அதன் மூன்றாம் பாகமான டைகர் 3 படத்தில் நடித்து வருகிறார்.

முந்தைய படங்களை போன்று 3வது பாகத்திலும் கத்ரீனா கைஃப் தான் ஹீரோயின். விக்கி கௌஷலுடனான திருமணத்திற்காக பிரேக் எடுத்திருக்கிறார் கத்ரீனா.