அதர்வா ஜோடியாக போனி கபூர் மகள் !

தமிழ். இந்தியில் முன்னணி நடிகையாக கொடி கட்டி பறந்த நடிகை மறைந்த நடிகை ஶ்ரீதேவி இவரின் மகள்கள் ஜான்வி கபூர், குஷி கபூர் என்ற இரண்டு மகள்கள் உள்ளனர். ஜான்வி ஏற்கனவே இந்தி படங்களில் நடித்துள்ளார்.

தற்போது தெலுங்கு படமென்றில் நடிக்கவும் ஒப்பந்தம் ஆகியுள்ளார். இவரது தந்தை போனிகபூர் அஜித்குமார் நடிப்பில் வெளியான நேர்கொண்ட பார்வை, துணிவு, வலிமை ஆகிய படங்களை தயாரித்தவர்.

இந்த நிலையில் அதர்வா நடிக்கும் புதிய படமென்றில் இவரின் இரண்டாவது மகள் குஷி கபூர் நடிக்கவுள்ளதாக தகவல் வெளியாகியுள்ளது. இப்படத்தை விக்னேஷ் சிவனின் உதவியாளர் இயக்கவுள்ளதாக கூறப்படுகிறது.இது குறித்து அதிகாரபூர்வ விரைவில் வெளியாகும் என கூறப்பட்டது.

அதே போல தமிழ் மொழியில் வெளியான லவ் டுடே இந்தி ரீமேக்கிலும் ஜான்வி கபூர் நடிக்கவுள்ளதாகவும், லிங்குசாமி இயக்கத்தில் உருவாகவுள்ள பையா 2 போன்ற படங்களிலும் ஜான்வி கபூர் நடிக்கவுள்ளதாகவும் தகவல் வெளியானது. பையா இரண்டாம் பாகத்தில் ஜான்வி நடிக்கவிருப்பதாக வெளியான தகவல் முற்றிலும் வதந்தி என்று போனிகபூர் தெரிவித்துள்ளார்.