இன்ஸ்டாகிராமில் இணைந்த நடிகை ஜோதிகா !

நடிகை ஜோதிகா இன்ஸ்டாகிராமில் புதிதாக கணக்கு தொடங்கியுள்ள நிலையில், அவரது முதல் போஸ்ட்டிற்கு, ரசிகர்கள் மத்தியில் மிகுந்த வரவேற்பு கிடைத்துள்ளது

பிரபல நடிகை ஜோதிகா, முதல் முறையாக சமூகவலைதளங்களில் ஒன்றான இன்ஸ்டாகிராமில் தனது கணக்கை இன்று தொடங்கியுள்ளார். அவர் இன்ஸ்டாகிராம் தொடங்கிய சில மணிநேரங்களிலேயே சுமார் 1.3 மில்லியன் ஃபாலோயர்களை பெற்றுள்ளார்.

அவரது முதல் பதிவிற்கே ரசிகர்கள் மத்தியில் மிகுந்த வரவேற்பு கிடைத்துள்ளது. அந்த பதிவில், தான் முதல் முறையாக சமூக வலைத்தளங்களுக்கு வந்திருப்பதாகவும், தன்னுடைய லாக்டவுன் நினைவுகளை பாசிட்டிவ் ஆக பதிவு செய்ய இருப்பதாகவும் கூறியுள்ளார்.

மேலும் அவரின் முதல் போஸ்ட்டாக, அவர் இமயமலையில் தேசியக் கொடியை ஏந்திய புகைப்படம் ஒன்றை பதிவு செய்துள்ளார். அந்த புகைப்படத்தின் கீழ், கடந்த ஆகஸ்ட் 15-ம் தேதி சுதந்திர தினத்தில் காஷ்மீரில் எடுக்கப்பட்ட இந்த புகைப்படம் மிகவும் அபூர்வமானது என்றும், தனது நண்பர்களுடன் இணைந்து எடுத்த இந்தப் புகைப்படம் தனக்கு மறக்க முடியாத அனுபவம் என்றும் குறிப்பிட்ட அவர், இந்தியா அழகானது என்றும், ஜெய் ஹிந்த் என்றும் குறிப்பிட்டுள்ளார்