புதுப்பேட்டை 2 நடிக்க தயாராகும் தனுஷ் !

செல்வராகவன் இயக்கத்தில் தனுஷ் நடித்த அனைத்து படங்களுமே ரசிகர்கள் மத்தியில் மிகப்பெரிய வரவேற்பை பெற்றது. குறிப்பாக புதுப்பேட்டை திரைப்படம் ரசிகர்களால் இன்றும் கொண்டாட பட்டு வருகிறது.

தற்போது தமிழ் சினிமாவில் இரண்டாம் பாகம் படங்கள் அதிகம் வெளிவந்து கொண்டிருக்கிறது. அந்த வரிசையில் புதுப்பேட்டை படத்தின் 2-ம் பாகத்தினை எடுக்க வேண்டும் என்று ரசிகர்கள் விருப்பம் தெரிவித்து வந்தனர். கண்டிப்பாக புதுப்பேட்டை 2-ம் பாகம் வெளியாகும் என அதிகாரபூர்வமாக அறிவித்தார் செல்வராகவன்.

இந்த நிலையில் புதுப்பேட்டை 2 படத்துக்கான திரைக்கதை எழுதும் பணி இறுதிக்கட்டத்தில் இருப்பதாகவும் தனுஷும் இப்படத்தில் தன்னை நடிக்க தயார்படுத்தி வருவதாகவும் தகவல் வெளியானது. இதற்கான அதிகாரபூர்வ அறிவிப்பு விரைவில் வெளியாகும் என எதிர்பார்க்கப்படுகிறது.

2006-ம் வருடம் வெளியான புதுப்பேட்டை படத்தில் தனுஷ் கொக்கு குமார் என்ற கதாப்பாத்திரத்தில் நடித்திருந்தார். சோனியா அகர்வால், சினேகா ஆகியோரும் இப்படத்தில் முக்கிய கதாப்பாத்திரத்தில் நடித்திருந்தனர்.