தளபதி விஜய்யுடன் மீண்டும் கூட்டணி அமைக்கும் இயக்குநர் அட்லி !

தளபதி விஜய் தற்போது நெல்சன் திலீப்குமார் இயக்கும் பீஸ்ட் படத்தில் நடித்து வருகிறார். ஜோடியாக தெலுங்கு நடிகை பூஜா ஹெக்டே நடிக்க இவர்களுடன் செல்வராகவன், யோகி பாபு, அபர்ணா தாஸ், விடிவி கணேஷ் ஆகியோரும் நடிக்கின்றனர். படப்பிடிப்பு இறுதிக்கட்டை எட்டியுள்ளது.

அடுத்த வருடம் ஏப்ரல் மாதம் தமிழ் புத்தாண்டில் திரைக்கு கொண்டுவர திட்டமிட்டுள்ளனர் பீஸ்ட் படக்குழுவினர். இப்படத்திற்கு பின்னர் தெலுங்கு இயக்குநர் வம்சி பைடி இயக்கும் ஒரு புதிய படத்தில் நடிக்கவுள்ளார். இப்படம் விஜய்யின் 66-வது திரைப்படம் தமிழ், தெலுங்கு மற்றும் இந்தி, கன்னட மொழிகளில் இப்படம் உருவாகவுள்ளது.

வம்சிபைடி பள்ளியின் படத்தை முடித்து விட்டு விஜய்யுன் 67-வது படத்தை இயக்குநர் லோகேஷ் கனகராஜ் இயக்கப்போவதாக தற்போது கூறப்படுகிறது. இவர்களின் கூட்டணியில் வெளியான மாஸ்டர் திரைப்படம் ரசிகர்கள் மத்தியிலும் வசூல் ரீதியிலும் நல்ல வரவேற்பை பெற்றது.

இந்த நிலையில் விஜய் நடிக்கும் 68-வது படம் பற்றிய தகவலும் தற்போது கசிந்துள்ளது. இந்த படத்தை அட்லி இயக்கப்போவதாகவும் படப்பிடிப்பு 2023-ம் தொடங்கப்போவதாகவும் தற்போது தகவல் வெளியாகியுள்ளது. இவர்களின் கூட்டணியில் தெறி, மெர்சல், பிகில் ஆகிய படங்கள் வெளிவந்துள்ளது. தற்போது ஷாருக்கான், நயன்தாரா ஜோடியாக நடிக்கும் இந்தி படத்தை அட்லீ இயக்கிவருகிறார்.