கேரள திரையரங்குகளிலும் ரசிகர்களை வரவழைத்த டாக்டர் !

கொரோனா இரண்டாம் அலையின் தாக்கம் கடந்த ஒரு மாதங்களாக குறைந்து வருகிறது அதிகமாக. தமிழகத்தில் உள்ள அனைத்து திரையரங்குகளும் திறக்கப்பட்டு வருகிறது. இது நாள் வரை 50 சதவீத இருக்கைகளுடன் செயல்பட்டு வந்த திரையரங்குகள் நாளை முதல் 100 சதவீத இருக்கைகளுடன் செயப்படும்.

50 சதவீத இருக்கைகளுடன் கடந்த 9-ம் தேதி திரையரங்குகளில் வெளியான டாக்டர் திரைப்படம் மக்களை மீண்டும் திரையரங்குகளுக்கு அழைத்து வந்தது. மக்கள் அமோக வரவால் படமும் மிகப்பெரிய வெற்றியை பெற்று நல்ல வசூலையும் பெற்றது.

இந்த நிலையில்தான் கடந்த 27-ம் தேதி முதல் கேரளாவில் மிக நீண்ட நாட்களுக்கு பின்னர் 50 சதவீத இருக்கைளுடன் திரையரங்குகள் திறக்க அனுமதி வழங்கியது கேரள அரசு. மலையாள படங்கள் 50 சதவீத இருக்கைகளுடன் திரையரங்குகளில் படத்தை வெளியிட தயக்கம் காட்டி வருகிறார்கள்.

இந்த நிலையில்தான் கேரளாவிலும் டாக்டர் திரைப்படம் திரையிடப்பட்டது அங்கும் டாக்டர் படத்தை பார்க்க ரசிகர்கள் கூட்டம் கூட்டமாக வருவதாகவும் நல்ல ஒரு வசூலையும் பெற்று வருவதாகவும் கேரள திரையரங்கு முதலாளிகள் கூறுகிறார்கள்.