மோகன்லால் ஜெயிலர் படத்தில் நடிப்பதை உறுதி செய்த படக்குழு !

இயக்குநர் நெல்சன் இயக்கத்தில் ரஜினிகாந்த் நடித்து வரும் திரைப்படம் ஜெயிலர். இப்படத்தை சன் பிக்சர்ஸ் நிறுவனம் தயாரிக்கிறது.

இப்படத்தில் ரஜினியுடன் மலையாள சூப்பர் ஸ்டார் மோகன்லால் நடிக்கவிருப்பதாக கூறப்பட்டு வந்த நிலையில் சற்று முன்னர் அதனை சன் பிக்சர்ஸ் நிறுவனம் தனது டுவிட்டர் பக்கத்தில் பகிர்ந்து உறுதி செய்தது.

இதனுடன் மோகன்லாலின் போஸ்டர் ஒன்றையும் வெளியிட்டுள்ளது. தற்போது அந்த போஸ்டர் இணையத்தில் வைரலாகி வருகிறது. அனிருத் இசையமைக்கும் இப்படத்தில் ரம்யா கிருஷ்ணன் உள்ளிட்ட பல முன்னணி நடிகர் நடிகைகள் நடித்து வருகிறார்கள். இப்படம் ஏப்ரல் மாதம் தமிழ் புத்தாண்டு தினத்தில் திரைக்கு வர வாய்ப்புள்ளதாக தகவல் வெளியாகியுள்ளது.