இணையத்தை கலக்கும் கமல் – சூர்யாவின் பதிவு !

லோகேஷ் கனகராஜ் இயக்கத்தில் கமல்ஹாசன், விஜய் சேதுபதி, பஹத் பாசில் ஆகியோரின் நடிப்பில் வெளியாகி பிரம்மாண்ட வரவேற்பை பெற்று வரும் திரைப்படம் ‘விக்ரம். அதிரடி ஆக்‌ஷன் படமான இதில் நடிகர் சூர்யா வில்லன் வேடத்தில் நடித்திருந்தார்.

இந்த நிலையில் இப்படத்தில் நடித்த அனுபவம் பற்றியும் உலகநாயகனுடன் நடித்ததை பற்றியும் சூர்யா தனது டுவிட்டர் பக்கத்தில் பதிவிட்டுள்ள பதிவில் ‘அன்புள்ள கமல்ஹாசன் அண்ணா எப்படி சொல்வது உங்களுடன் நடிக்க வேண்டும் என்கிற கனவு நனவாகி உள்ளது. இந்த வாய்ப்பை ஏற்படுத்தி கொடுத்த லோகேஷ் மற்றும் அனைவரின் அன்புக்கும் நன்றி எனவும் தெரிவித்தார்’

இந்த பதிவுக்கு பதிலளித்துள்ள கமல்ஹாசன் ‘இது நீண்ட நாட்களாக நடக்க இருந்தது என்பது உங்களுக்கு நன்றாக தெரியும். உங்களின் அன்பு ஏற்கனவே உள்ளது. அது இன்னும் மக்களிடம் அதிகமாகிறது. உங்களுக்கு எனது வாழ்த்துக்கள் தம்பி மன்னிக்கவும் தம்பி சார் எனவும் பதிலளித்துள்ளார்.

இந்த பதிவும் கமல்ஹாசனின் பதிலும் தற்போது இணையத்தில் வைரலாகி வருகிறது.