35 ஆண்டுகளுக்கு பின் இணையும் கமல் ஹாசன் – மணிரத்னம் கூட்டணி !

உலக நாயகன் கமல்ஹாசன் லோகேஷ் கனகராஜ் இயக்கத்தில் இவரின் நடிப்பில் வெளியான விக்ரம் திரைப்படம் மிகப்பெரிய வெற்றி பெற்றது ரூ.400 கோடிக்கு மேல் வசூலும் செய்தது.

தற்போது ஷங்கர் இயக்கத்தில் இந்தியன் 2 படத்தில் நடித்து வருகிறார். இதை தவிர இவரின் ராஜ்கமல் பிலிம்ஸ் நிறுவனம் பல முன்னணி நடிகர்களை வைத்து படங்களையும் தயாரித்து வருகிறது.

இந்த நிலையில் பொன்னியின் செல்வன் படத்தின் பிரம்மாண்ட வெற்றிக்கு பின்னர் மணிரத்னம் அடுத்த என்ன படம் யாரை வைத்து இயக்க போகிறார் என்ற ஆர்வம் ரசிகர்கள் மத்தியில் உள்ளது.

இந்த நிலையில் மணிரத்னம் இயக்கத்தில் கமல்ஹாசன் நடிக்கவுள்ளதாக அதிகாரபூர்வமாக தற்போது அறிவிக்கப்பட்டுள்ளது. இவர்கள் சுமார் 35 வருடங்களுக்கு பின்னர் மீண்டும் தற்போது இணைகிறார்கள் இதற்கு முன்னதாக 1987-ம் ஆண்டு நாயகன் படத்தில் இணைந்தனர்.

இப்படத்தை ரெட் ஜெயன்ட் மூவீஸ் நிறுவனம் தயாரிக்கவுள்ளதாகவும் ஏ.ஆர்.ரஹ்மான் இசையமைக்கவுள்ளதாகவும் அறிவிக்கப்பட்டுள்ளது. 2024-ம் ஆண்டு இப்படம் திரையரங்குகளில் வெளியாககும் எனவும் அறிவிக்கப்பட்டுள்ளது.

பொன்னியின் செல்வன் படத்தின் இரண்டாம் பாகம் வெளியானதும் இப்படத்தின் படப்பிடிப்பு ஆரம்பமாகும் என கூறப்படுகிறது.