ரூ.20 கோடிக்கு விலை போன கார்த்தியின் சர்தார் திரைப்படம் !

இயக்குநர் எஸ்.மித்ரன் இயக்கத்தில் கார்த்தி நடித்து வரும் திரைப்படம் சர்தார். இப்படத்தில் கார்த்தி போலீஸ் அதிகாரியாகவும் வயதான கார்த்தியாகவும் என இரண்டு வேடங்களில் நடித்து வருகிறார்.

படத்தின் நாயகிகளாக ராஷி கன்னா, மலையாள நடிகை ரஜிஷா விஜயன் ஆகியோர் நடித்து வருகிறார்கள். தற்போது படப்பிடிப்பு மைசூரில் விறுவிறுப்பாக நடந்து வருகிறது.

இந்த நிலையில் சர்தார் படம் திரைக்கு வரும் முன்பே தியேட்டர் வெளியீட்டுக்கு பிந்தைய ஓடிடி தளத்தில் வெளியிடுவதற்கான உரிமை ரூ.20 கோடிக்கு விலை போய் இருப்பதாக தற்போது தகவல் வெளியாகியுள்ளது.

தமிழ், தெலுங்கு ஆகிய இரு மொழிகளுக்கும் சேர்த்து இந்த தொலைக்கு விற்றுருப்பதாக கூறப்படுகிறது.