ஹரா படத்தின் மோகனுக்கு ஜோடியாகும் குஷ்பு !

1980 முதல் 1990 வரை தமிழில் மிகப்பெரிய வெற்றி நாயகனாக வலம் வந்தவர் மோகன். பல மெல்லிய காதல் படங்களில் நடித்து பல வெற்றிப்படங்களை கொடுத்தவர். 1980-ம் ஆண்டுகளில் இவரின் நடிப்பில் வெளியான படங்கள் 175 நாட்களை கடந்து ஓடி சாதனைகள் படைத்ததால் இவருக்கு சில்வர் ஜூப்ளி ஸ்டார் என்ற அடைமொழி பெயர் உண்டு.

90-ம் ஆண்டுகளுக்கு பின்னர் இவரின் படங்களுக்கு பெரிதாக வரவேற்பு இல்லாமல் போனதல் அதற்கு பல காரணங்கள் சொல்லப்படுகிறது. அதில் முக்கியமான காரணம் இவருக்கு எயிட்ஸ் நோய் இருக்கிறது என்று நடிகை ஒருவர் பரப்பி விட்ட வதந்தியும் ஒன்று அதன் பின்னர் சினிமாவிலிருந்து ஒதுங்கி இருந்து வந்தார்.

இறுதியாக இவர் நடித்து வெளியான திரைப்படம் சுட்டப்பழம் இப்படம் வெளியாகியே சுமார் 13 வருடங்கள் ஆகிறது. இந்த நிலையில் தற்போது இவர் ஒரு புதிய படத்தில் கதாநாயகனாக நடிக்க ஒப்படந்தம் ஆகியுள்ளார். இப்படத்துக்கு ஹரா என்று பெயர் சூட்டியுள்ளனர். தாதா 89 படத்தை இயக்கிய விஜய் ஶ்ரீ இப்படத்தை இயக்கவுள்ளார்.

மிக விரைவில் இப்படத்தின் படப்பிடிப்பு தொடங்கவுள்ள நிலையில் மோகனுக்கு ஜோடியாக இப்படத்தில் நடிக்க நடிகை குஷ்பு ஒப்பந்தம் ஆகியுள்ளாராம். இவர்கள் இருவரும் தமிழில் இணைந்து நடித்ததில்லையாம் தெலுங்கில் ஒரு படத்தில் இணைந்து நடித்துள்ள இவர்கள் இப்படத்தின் மூலம் முதன் முறையாக ஜோடி சேரவிருக்கிறார்கள்.