புதிய வெளியீட்டு தேதியை அறிவித்த லால் சலாம் படக்குழு !

ஐஸ்வர்யா ரஜினிகாந்த் இயக்கத்தில் கிரிக்கெட்டை மையமாக கொண்டு உருவாகி உள்ள திரைப்படம் லால் சலாம். இப்படத்தில் நடிகர்கள் விஷ்ணு விஷால், விக்ராந்த் ஆகியோர் நடித்துள்ளனர். இவர்களுடன் சூப்பர் ஸ்டார் ரஜினிகாந்த் சிறப்பு தோற்றத்திலும் நடித்துள்ளார். மேலும் இந்திய அணியின் லெஜெண்ட் கபில் தேவ் ஆகியோர் நடித்துள்ளனர்.

லைகா புரொடக்ஷன்ஸ் தயாரித்துள்ள இப்படத்திற்கு இசைப்புயல் ஏ.ஆர்.ரஹ்மான் இசையமைத்துள்ளார். இப்படம் பொங்கல் பண்டிகைக்கு வெளியாகும் என அறிவித்திருந்த நிலையில் எந்த ஒரு உறுதியும் இல்லாமல் இருந்து வந்தது.

இந்த நிலையில் லால் சலாம் படத்தின் புதிய வெளியீட்டு தேதியை அறிவித்துள்ளது படக்குழு. அதன் படி இப்படம் பிப்ரவரி 9-ம் தேதி திரைக்கு வருகிறது என படக்குழு அதிகாரபூர்வமாக அறிவித்துள்ளது.

ரஜினிகாந்த் லால் சலாம் படத்தில் மொய்தீன் பாய் என்ற கதாப்பாத்திரத்தில் நடித்துள்ளார் என்பது குறிப்பிடத்தக்கது.