நயன்தாரா நடிப்பில் உருவாகிறது மூக்குத்தி அம்மன் 2 !

லேடி சூப்பர்ஸ்டார் நயன்தாரா நடிப்பில் வெளியான மூக்குத்தி அம்மன் படத்தின் இரண்டாம் பாகம் உருவாக உள்ளதாக அதிகாரபூர்வ அறிவிப்பு வெளியாகியுள்ளது.

கடந்த 2020ம் ஆண்டும் ஆர்.ஜே.பாலாஜி மற்றும் என்.ஜே.சரவணன் இயக்கத்தில் வெளியான திரைப்படம் மூக்குத்தி அம்மன். இப்படத்தில் நயன்தாரா அம்மன் வேடத்தில் நடித்திருந்தார். பிரபல தயாரிப்பு நிறுவனமான வேல்ஸ் ஃபிலிம்ஸ் இன்டர்நேஷனல் ஜசரி கணேஷ் அவர்கள் இப்படத்தை தயாரித்திருந்தார்.

ஆர்.ஜே.பாலாஜி, ஊர்வசி, ஸ்மிருதி வெங்கட், மயில்சாமி பலர் நடிப்பில் வெளியான இப்படம் ரசிகர்கள் மத்தியிலும் வசூலிலும் நல்ல வரவேற்பை பெற்றது.

இந்த நிலையில் இப்படத்தின் இரண்டாம் பாகத்தை உருவாக உள்ளதாக வேல்ஸ் ஃபிலிம்ஸ் இன்டர்நேஷனல் நிறுவனம் அதிகாரப்பூர்வமாக அறிவித்துள்ளது. இதிலும் நயன்தாரா அவர்களே அம்மனாக நடிக்கவுள்ளார். படத்தில் நடிக்கும் மற்ற நடிகர், நடிகைகளின் அறிவிப்பு விரைவில் வெளியாகும்.