கொரோனா தடுப்பூசி போட்டவர்கள் மட்டுமே படப்பிடிப்புக்கு அனுமதி – ஆர்.கே.செல்வமணி !

கொரோனா இரண்டாம் அலையில் சிக்கி பல பிரபல நடிகர்கள் இறந்து வருகிறார்கள். இதன் காரணமாக திரையுலகினர் பலரும் கட்டாயமாக கொரோனா தடுப்பூசி போட்டுக்கொள்ள வேண்டும் என்று பெப்சி தலைவர் ஆர்.கே.செல்வமணி கேட்டுக்கொண்டுள்ளார்.

இது குறித்து அவர் வெளியிட்டுள்ள அறிக்கையில் மே மாதம் 31-ந் தேதி வரை சினிமா மற்றும் சின்னத்திரை படப்பிடிப்புகள் நிறுத்தி வைக்குமாறும் கூறினார். இம்மாத இறுதியில் ஒரு கூட்டம் கூட்டி தொடர்ந்து படப்பிடிப்பு நடத்துவதா? இல்லையா ? என்று குறித்து முடிவு எடுக்கப்படும் என்று அறிவித்துள்ளார்.

எனிமேல் நடிகர் மற்றும் நடிகைகள், தொழிநுட்ப கலைஞர்கள் யாராக இருந்தாலும் கொரோனா தடுப்பூசி போட்டுக்கொண்டால் மட்டுமேதான் படப்பிடிப்பு தளத்திற்குள் அனுமதிக்கப்படுவார்கள். போடாதவர்கள் அதற்கான உரிய காரணத்தை பெப்சிக்கு கடிதம் மூலம் தெரிவிக்கலாம். என்று அந்த அறிக்கையில் ஆர்.கே.செல்வமணி குறிப்பிட்டுள்ளார்.