அகிலன் படத்தில் போலீஸ் அதிகாரியாக நடிக்கும் ப்ரியா பவானி சங்கர் !

இயக்குநர் கல்யாண் கிருஷ்ணன் இயக்கத்தில் ஜெயம் ரவி நடிக்கும் புதிய திரைப்படம் ‘அகிலன்’ இப்படத்தில் கடற்படை அதிகாரியாக நடிக்கிறார் ஜெயம் ரவி. இயக்குநர் கல்யாண் கிருஷ்ணன் மற்றும் ஜெயம் ரவி இதற்கு முன்பு ‘பூலோகம்’ இணைந்துள்ளனர்.

இப்படத்தில் ஜெயம் ரவிக்கு ஜோடியாக ப்ரியா பவானி சங்கர் நடிக்கிறார். இதில் இவர் போலீஸ் அதிகாரியாக நடிக்கிறார் என்ற தகவல் தற்போது வெளியாகியுள்ளது. அதை உறுதி படுத்தும் விதமாக சில புகைப்படங்களும் வெளியாகியுள்ளது.

இதற்கு முன்னர் பிரியா பவானி சங்கர் அருண் விஜய் நடிப்பில் வெளியான ஃமாபியா படத்தில் போலீஸ் அதிகாரியாக நடித்திருந்தார். தற்போது மீண்டும் இரண்டாவது முறையாக போலீஸ் அதிகாரியாக நடிக்கிறார்.

துறைமுகத்தில் நடக்கும் சமூக விரோத செயல்களின் பின்னணியில் உருவாகி வரும் அகிலன் படத்தில் கடற்படைக்கும் உதவும் ஒரு போலீஸ் அதிகாரி வேடத்தில் பிரியா பவானி சங்கர் நடித்து வருவதாக கூறப்படுகிறது. இப்படத்தில் பிரியா பவானி சங்கருக்கு சில சண்டைக்காட்சிகளுக்கும் உள்ளது என்று கூறப்படுகிறது.