நான்கு மொழிகளில் ஓடிடி தளத்தில் வெளியானது டாக்டர் !

நெல்சன் இயக்கத்தில் சிவகார்த்திகேயனின் நடிப்பில் கடந்த மாதம் 9-ம் தேதி திரையரங்குகளில் வெளியானது. வெளியான இப்படம் நல்ல விமர்சனங்களை பெற்றது. மிக நீண்ட இடைவெளிக்கு பின்னர் திரையரங்குகளில் ரசிகர்கள் கூட்டம் மீண்டும் கூடினர். இரண்டு நாட்களுக்கு முன்னர் இப்படம் 100 கோடி ரூபாய் வசூலில் இணைந்தது.

நேற்று தீபாவளியை முன்னிட்டு டாக்டர் திரைப்படம் தொலைக்காட்சியில் ஒளிப்பரப்பானது. இதையடுத்து இன்று நெட்பிளிக்ஸ் தளத்தில் தமிழ், தெலுங்கு, கன்னடம் மற்றும் மலையாளம் ஆகிய மொழிகளில் இன்று வெளியாகியுள்ளது.

சிவகார்த்திகேயனின் படங்களில் அதிக வசூல் செய்த திரைப்படம் இதுவாகும் என்பது குறிப்பிடத்தக்கது.