ராயன் படத்தின் முதல் நாள் வசூல் விபரம் !

தனுஷ் இயக்கி நடித்துள்ள ராயன் திரைப்படம் நேற்று வெளியாகி ரசிகர்கள் மத்தியில் மாபெரும் வரவேற்பை பெற்று வருகிறது. இப்படம் தனுஷின் 50வது படம்.

தனுஷுடன் இப்படத்தில் எஸ்.ஜே.சூர்யா, துஷாரா விஜயன், காளிதாஸ் ஜெயராம், சந்தீப் கிஷன், அபர்ணா பாலமுரளி, பிரகாஷ் ராஜ், செல்வராகவன் மற்றும் பலர் இப்படத்தில் நடித்துள்ளனர். சன் பிக்சர்ஸ் நிறுவனம் இப்படத்தை தயாரித்துள்ளது. இசைப்புயல் ஏ.ஆர்.ரஹ்மான் இப்படத்திற்கு இசையமைத்துள்ளார்.

அதிக வன்முறை காட்சிகள் படத்தில் இடம் பெற்றுள்ளது ஒரு சிலர் கூறி வந்தாலும் பலர் இப்படத்தை கொண்டாடி வருகிறார்கள். முதல் நாளில் மட்டும் சுமாராக ரூ.12 கோடிக்கும் அதிகமான வசூலை வசூல் செய்துள்ளதாக தகவல் வெளியாகியுள்ளது.

இப்படம் சுமார் ரூ.80 – 100 கோடி பட்ஜெட்டில் உருவானது என்று கூறப்படுகிறது.