விஜய் டிவி புகழ் பாலவுக்கு 10 லட்சம் கொடுத்த ராகவா லாரன்ஸ் !

நடன இயக்குநராக சினிமாவில் தன் பயணத்தை ஆரம்பித்த ராகவா லாரன்ஸ் இன்று இயக்குநர், நடிகர் என வளர்ந்து தற்போது மிகப்பெரிய நடிகராக வலம் வருகிறார் தமிழ் சினிமாவில்.

தற்போது இவர் சந்திரமுகி 2 படத்தில் நடித்து வருகிறார். இவர் நடிப்பில் உருவாகியுள்ள ருத்ரன் திரைப்படம் ஏப்ரல் 14-ம் தேதி திரையரங்குகளில் வெளியாகவுள்ளது.

ஃபைவ் ஸ்டார் கதிரேசன் என்பவர் இப்படத்தின் மூலம் இயக்குநராக அறிமுகமாகிறார். ராகவா லாரன்ஸ் நடிக்கும் இப்படத்தில் சரத்குமார், பிரியா பவானி சங்கர், பூர்ணிமா பாக்யராஜ் ஆகியோர் முக்கியமான கதாப்பாத்திரங்களில் நடித்துள்ளனர்.

ஜி.வி.பிரகாஷ் இசையமைத்துள்ள இப்படத்தின் பாடல் வெளியீட்டு விழா சென்னையில் கடந்த வாரம் நடைபெற்றது. இதில் சிறப்பு விருந்தினராக இயக்குநர் வெற்றி மாறன், லோகேஷ் கனகராஜ் ஆகியோர் கலந்து கொண்டனர்.

இந்த இசை வெளியீட்டு விழாவில் விஜய் டிவி காமெடி புகழ் பாலாவுக்கு ராகவா லாரன்ஸ் ரூ.10 லட்சம் நன்கொடையாக வழங்கியுள்ளார்.

விஜய் தொலைக்காட்சியில் புகழ் பெற்ற பாலா தற்போது சுமார் 10 குழந்தைகளை படிக்க வைத்து வருகிறார். கலக்கப்போவது யார் நிகழ்ச்சி போலம் விஜய் தொலைக்காட்சியில் வந்த பாலா தற்போது பல படங்களிலும் நடித்து வருகிறார் என்பது குறிப்பிடத்தக்கது.