விஜய் நடிக்கும் லியோ படப்பிடிப்பில் இணைந்த சஞ்சய் தத் !

இயக்குநர் லோகேஷ் கனகராஜ் இயக்கத்தில் தற்போது விஜய் நடித்து வரும் திரைப்படம் லியோ. தற்போது காஷ்மீரில் படப்பிடிப்பு நடைபெற்று வருகிறது.

விஜய்யுடன் திரிஷா, சஞ்சய் தத், பிரியா ஆனந்த், கவுதம் மேனன், மிஷ்கின் அர்ஜூன், மன்சூர் அலிகான், அபிராமி உள்ளிட்டோர் முக்கியமான கதாபாத்திரங்களில் நடித்து வருகிறார்கள்.

இந்த நிலையில் காஷ்மீர் படப்பிடிப்பில் நடிகர் சஞ்சய் தத் இன்று இணைந்துள்ளார். இது தொடர்பாக வீடியோ ஒன்றை படக்குழு வெளியிட்டுள்ளது. அதில் விமானத்திலிருந்து இறங்கும் சஞ்சய் தத்தை படக்குழுவினர் வரவேற்றது பின்னர் படத்தின் படப்பிடிப்பு தளத்தின் அருகே உள்ள ஓட்டலில் விஜய் லோகேஷ் கனகராஜ் உள்ளிட்டோர் வரவேற்று பேசுவது போன்ற காட்சிகள் இடம்பெற்றுள்ளன.

அந்த வீடியோவில் விஜய் வித்தியாசமான ஒரு கெட்டப்பில் உள்ளார். அது படத்தின் கெட்டப்பா என்ற சந்தேகம் ரசிகர்களுக்கு எழுந்துள்ளது. அனிருத் இசையமைக்கும் லியோ திரைப்படம் அக்டோபர் 19-ம் தேதி வெளியாகவுள்ளது.