சிவகார்த்திகேயன் நடிக்கும் மாவீரன் படப்பிடிப்பு நிறுத்தம் !

சிவகார்த்திகேயன் தற்போது மாவீரன் என்ற படத்தில் நடித்து வருகிறார். ஜோடியாக அடிதி ஷங்கர் நடித்து வருகிறார். இயக்குநர் மடோன் அஸ்வின் இயக்கும் இப்படத்தின் பர்ஸ்ட் லுக் போஸ்டர் வெளியாகி ரசிகர்கள் மத்தியில் பெரும் வரவேற்பை பெற்றது.

மாவீரன் படத்தின் படப்பிடிப்பு சென்னையில் விறுவிறுப்பாக நடைபெற்ற வந்த நிலையில் தற்போது படப்பிடிப்பு நிறுத்தி வைக்கப்பட்டுள்ளதாக தகவல் வெளியானது.

இயக்குநர் மடோன் அஸ்வினுக்கும் சிவகார்த்திகேயனுக்கும் ஏற்பட்ட ஒரு பிரச்சனைதான் இதற்கு காரணம் என்று சில ஊடகங்கள் தவறான தகவலை பரப்பி வந்தது. இதனை படக்குழு முற்றிலும் மறுத்துள்ளனர்.

இயக்குநருக்கும் சிவகார்த்திகேயனுக்கும் எந்த ஒரு பிரச்சனையும் இல்லை சென்னையில் பெய்து வரும் கடும் கனமழை காரணமாகத்தான் தற்காலிகமாக படப்பிடிப்பு நிறுத்தி வைக்கப்பட்டுள்ளது என்றும் மழை ஓய்ந்த பின்னர் மீண்டும் படப்பிடிப்பு ஆரம்பிக்கப்படும் என்றும் தெரிவித்தனர்.