தீபாவளிக்கு வெளியாகும் சிவகார்த்திகேயனின் அமரன் !

கமல்ஹாசன் அவர்களின் ராஜ்கமல் ஃபிலிம்ஸ் இன்டர்நேஷனல் மற்றும் சோனி பிக்சர்ஸ் இணைந்து தயாரிக்கும் திரைப்படம் அமரன்.

சிவகார்த்திகேயன் நாயகனாக நடிக்கும் இப்படத்தில் சாய் பல்லவி கதாநாயகியாக நடித்துள்ளார். ரங்கூன் படத்தை இயக்கிய ராஜ்குமார் பெரியசாமி இப்படத்தை இயக்கியுள்ளார்.

ராணுவ மேஜர் முகுந்த் வரதராஜனின் வாழ்வில் நடந்த சம்பவங்கள் அடிப்படையில் இபப்டம் உருவாகியுள்ளது. இதில் சிவகார்த்திகேயன் ராணுவ அதிகாரியாக நடித்துள்ளார்.

இந்த நிலையில் இப்படம் வருகிற தீபாவளி பண்டிகையை முன்னிட்டு அக்டோபர் 31ம் தேதி திரையரங்குகளில் வெளியாகும் என ராஜ்கமல் நிறுவனம் அதிகாரபூர்வமாக அறிவித்துள்ளது.