கேரளாவிலும் ஹவுஸ் புல் காட்சிகளாக டாக்டர் !

நெல்சன் இயக்கத்தில் சிவகார்த்திகேயனின் நடிப்பில் கடந்த 9-ம் தேதி திரையரங்குகளில் வெளியான திரைப்படம் டாக்டர். படம் வெளியாகி நல்ல விமர்சனங்கள் மட்டுமே கிடைத்தது. அது மட்டுமில்லாமல் திரையரங்குகளிலும் மக்கள் கூட்டம் கூட்டமாக குவிந்தனர். படம் வெளியாகி முதல் நாளே தமிழம் முழுவதும் சுமாராக 7.45 கோடி வசூலும் செய்தது. இரண்டாம் நாளில் முதல் நாளை விட அதிக வசூலை வாரி குவித்தது.

இதுவரையில் டாக்டர் திரைப்படம் தமிழகம் முழுவதும் 63 கோடி ரூபாய் வசூல் செய்துள்ளதாக கூறப்படுகிறது. 2021-ம் ஆண்டு இந்தியாவில் திரையரங்குகளில் வெளியாகி அதிக வசூல் செய்தபடங்கள் 5 அதில் டாக்டர் படமும் ஒன்று. தீபாவளி பண்டிகை வரை டாக்டர் படம் திரையரங்குகளில் ஓடினால் 70 கோடிக்கும் மேலாக வசூல் செய்யும் என்றும் கூறப்படுகிறது.

இந்த நிலையில்தான் இன்று கேரளாவில் இப்படம் திரையரங்குகளில் வெளியானது. கொரோனா ஊரடங்கு காரணமாக கேரள திரையரங்குகள் இதுவரை திறக்கப்படாமல் இன்றுதான் திறக்கப்பட்டது. இன்று வெளியான டாக்டம் படம் கேரளாவில் ஹவுஸ் புல் காட்சிகளாக நல்ல வரவேற்புடன் ஓடுகிறது.