Trailer
சிறுத்தை சிவா இயக்கத்தில் சூர்யா நடிக்கும் கங்குவா டிரைலர் வெளியானது !
இயக்குநர் சிவா இயக்கத்தில் சூர்யா, திஷா பதானி, பாபி தியோல் உள்ளிட்ட பலர் நடிப்பில் மிக பிரம்மாண்டமாக உருவாகி வரும் திரைப்படம் கங்குவா. முற்றிலும் 3டி தொழில்நுட்பத்தில் இப்படம் உருவாகியுள்ளது.
இப்படம் இரண்டு பாகங்களாக உருவாகவுள்ளது. சரித்திரம் கலந்த fantasy படமாக இது உருவாகியுள்ளது. அக்டோபர் 10ம் தேதி திரைக்கு வர காத்திருக்கும் இபப்படம் தமிழ் மொழியில் மட்டுமல்லாமல் சுமார் பத்து மொழிகளில் வெளியாகியுள்ளது.
சற்று முன் இந்த படத்தின் இரண்டரை நிமிடங்களுக்கும் மேலான ட்ரெய்லர் வெளியாகி இணையத்தில் வைரல் ஆகி வருகிறது.
இந்த ட்ரெய்லரில் மிகுந்த பொருட்செலவில் உருவாக்கிய கிராபிக்ஸ் காட்சிகள், சூர்யாவின் ஆவேசமான நடிப்பு, அவருக்கு இணையாக வில்லன் பாபி தியோல் நடிப்பு, தேவி ஸ்ரீ பிரசாத்தின் அட்டகாசமான பின்னணி இசை, சிறுத்தை சிவாவின் இயக்கம் என ஒட்டுமொத்த சிறப்பம்சங்கள் அமைந்துள்ளது என்பதை ட்ரைலரை பார்க்கும்போதே தெரிகிறது.
ஹாலிவுட் படங்களுக்கு இணையான காட்சிகள் இருப்பதை பார்க்கும் போது சூர்யாவுக்கு இந்த படம் நிச்சயம் தனது திரையுலக வாழ்க்கையில் திருப்புமுனையை ஏற்படுத்தும் என்று எதிர்பார்க்கப்படுகிறது. மொத்தத்தில் சூர்யா ரசிகர்களுக்கு மட்டுமின்றி ஒட்டுமொத்த சினிமா ரசிகர்களுக்கும் ‘கங்குவா’ திரைப்படம் ஒரு புதிய அனுபவத்தை கொடுக்கும் என்று எதிர்பார்க்கப்படுகிறது.