உறுதியான வெற்றிமாறன் – கமல் ஹாசன் கூட்டணி !

இயக்குநர் வெற்றிமாறன் தற்போது சூரி முதல் முறையாக கதையின் நாயகனாக நடிக்கும் விடுதல் என்ற படத்தை இயக்கி வருகிறார். அந்தப்படத்தை அடுத்து சூர்யாவை வைத்து வாடிவாசல் என்ற படத்தை இயக்கவுள்ளார். தற்போது வெற்றிமாறன் அடுத்ததாக கமல்ஹாசனை வைத்து புதிய ஒரு படத்தை இயக்கவிருப்பதாக தகவல் வெளியாகியுள்ளது.

சமீபத்தில் அளித்த பேட்டி ஒன்றில் கலந்து கொண்ட நடிகை ஶ்ரீப்ரியா உள்ளாட்சி தேர்தல், பிக்பாஸ், மற்றும் விக்ரம் படங்களை முடித்து விட்டு நடிகர் உலக நாயகன் கமல்ஹாசன் இயக்குநர் வெற்றிமாறனுடன் ஒரு புதிய படத்தில் நடிக்கவிருக்கிறார் என்று தெரிவித்தார்.

இயக்குநர் வெற்றிமாறன் கமல்ஹாசனை சந்தித்து ஒரு நாவலை கமலிடம் சென்னதாகவும் அந்த நாவல் கதை கமலுக்கு பிடித்து விட்டதாகவும் அதனால் அந்த கதையில் நடிக்க ஒப்புக்கொண்டதாகவும் கூறப்படுகிறது. இந்த படம் குறித்த பேச்சுவார்த்தை ஆரம்ப கட்ட நிலையில் தற்போது உள்ளதாம் மிக விரைவில் இப்படம் குறித்த அதிகாரபூர்வ அறிவிப்பு வெளியாகும் என்று எதிர்பார்க்கப்படுகிறது.