அனிருத் குரலில் லியோ இரண்டாம் பாடல் !

லோகேஷ் கனகராஜ் இயக்கத்தில் தளபதி விஜய் நடித்து முடித்துள்ள திரைப்படம் லியோ. விஜய்யுடன் இப்படத்தில் த்ரிஷா, அர்ஜூன், மிஷ்கின், சஞ்சய் தத், கெளதம் மேனன் ஆகியோர் முக்கியமான கதாப்பாத்திரத்தில் நடித்துள்ளார்.

லலித் குமாரின் 7 ஸ்கிரீன் ஸ்டுடியோஸ் நிறுவனம் இப்படத்தை தயாரித்துள்ளது. இப்படம் அக்டோபர் மாதம் 19ம் தேதி தமிழ், தெலுங்கு, ஹிந்தி, கன்னடம், மலையாளம் ஆகிய மொழிகளில் வெளியாகவுள்ளது.

அனிருத் இசையில் தளபதி விஜய் குரலில் இப்படத்தின் முதல் பாடலான ‘நான் ரெடி’ பாடல் வெளியாகி பட்டி தொட்டி எங்கும் பட்டையை கிளம்பி வருகிறது. தற்போது இப்படத்தின் இரண்டாம் பாடல் வருகிற 18ம் தேதி வெளியாகவுள்ளதாம். இது ஒரு காதல் பாடல் என்றும் இதனை அனிருத் பாடியுள்ளதாகவும் தகவல் வெளியாகியுள்ளது.