மிரட்டலான தங்கலான் மேக்கிங் வீடியோ வெளியானது !

இயக்குநர் பா.ரஞ்சித் இயக்கத்தில் சியான் விக்ரம் நடிப்பில் உருவாகி வரும் திரைப்படம் தங்கலான். விக்ரமுடன் இப்படத்தில் மாளவிகா மோகனன், பார்வதி, பசுபதி, ஆகியோர் முக்கியமான கதாப்பாத்திரத்தில் நடித்து வருகின்றனர்.

இப்படம் கோலார் தங்க வயலை மையப்படுத்தி உருவாக்கப்பட்டு வருகிறது என்று கூறப்படுகிறது. இப்படத்தின் படப்பிடிப்பு மதுரை மற்றும் ஆந்திராவின் சில பகுதிகளில் நடைபெற்று முடிந்தது. அதனை தொடர்ந்து கே.ஜி.எஃப்-ல் ஷூட்டிங் நடைபெற்றது.

இப்படம் மூன்று மொழிகளில் உருவாகி வருகிறது. இதை தவிர பல மொழிகளில் டப்பிங் செய்து வெளியிட தயாரிப்பு நிறுவனம் திட்டமிட்டுள்ளது.

இந்த நிலையில் இன்று விக்ரமின் பிறந்த நாள் இதற்கு அவரின் ரசிகர்களுக்கு பரிசு கொடுக்கும் விதமாக தங்கலான் படத்தின் மேக்கிங் வீடியோவை வெளியிட்டுள்ளது. அதன் படி இதன் படப்பிடிப்பு காடு மற்றும் கேஜிஎஃப் ஆகிய பகுதிகளில் பிரம்மாண்டமான செட் அமைத்து இப்படத்தின் படப்பிடிப்பை நடத்தி வருகின்றனர் படக்குழு. இதன் மேக்கிங் வீடியோ தற்போது வெளியாகி மேலும் படத்தின் மீதான எதிர்பார்ப்பை எகிற வைத்துள்ளது.