News
பிரம்மாண்ட அரங்கில் விக்ரம் படத்தின் டிரைலர் வெளியீடு !
இயக்குநர் லோகேஷ் கனகராஜ் இயக்கத்தில் உலக நாயகன் கமல்ஹாசன் நடித்துள்ள திரைப்படம் விக்ரம். கமலுடன் இணைந்து விஜய்சேதுபதி, பகத் பாசில் ஆகியோரும் முக்கியமான கதாபாதிரத்தில் நடித்துள்ளனர். ஜூன் 3 உலகமெங்கும் வெளியாகவுள்ள இத்திரைப்படத்தை தமிழகம் முழுவதும் உதய நிதியின் ரெட் ஜெயன்ட் மூவிஸ் வெளியிடுகிறது.
மாஸ்டர் படத்தின் மிகப்பெரிய வெற்றிக்கு பின்னர் லொகேஷ் கனகராஜ் இயக்கும் படம் என்பதாலும் கமல் ஹாசனின் தீவிர ரசிகன் என்பதாலும் இப்படத்தின் மேல் ரசிகர்களுக்கு ஆர்வம் அதிகமாகவே உள்ளது.
இந்த நிலையில் இப்படத்தின் டிரைலர் எப்போது வெளியாகும் என்ற தகவல் தற்போது வெளியாகியுள்ளது. கேன்ஸ் திரைப்பட விழாவில் விக்ரம் படத்தின் டிரைலரை வெளியிட படக்குழு திட்டமிட்டுள்ளதாம். உலக புகழ்பெற்ற திரைப்பட விழாக்களில் கேன்ஸ் திரைப்பட விழாவும் ஒன்று.
