மீண்டும் கமல் ஹாசனுடன் இணைந்து நடிக்கும் த்ரிஷா !

என்றும் அழகி என கூறப்படும் நடிகை த்ரிஷா மீண்டும் உலக நாயகன் கமலுடன் இணைந்து நடிக்கவுள்ளதாக தகவல் வெளியாகியுள்ளது.

உலக நாயகன் நடித்த விக்ரம் படத்தை அடுத்து மணிரத்னம் இயக்கும் தனது 234-வது படத்தில் நடிக்கவுள்ளார். இவர்கள் இருவரும் 35 ஆண்டுகளுக்கு பின்னர் இப்படத்தில் இணைகின்றனர்.

இப்படத்தை ரெட் ஜெயண்ட் மூவிஸ், கமல் ஹாசனின் ராஜ்கமல் நிறுவனம், மணிரத்னம் அவர்களின் மெட்ராஸ் டாக்கீஸ் நிறுவனங்கள் இணைந்து தயாரிக்கவுள்ளது.

இசைப்புயல் ஏ.ஆர்.ரஹ்மான் இசையமைக்கும் இப்படம் அடுத்த ஆண்டு வெளியாகவுள்ளது. இப்படத்தில் நடிகை த்ரிஷாவும் முக்கியமான ஒரு கதாப்பாத்திரத்தில் நடிக்கவுள்ளதாக தகவல் ஒன்று வெளியாகியுள்ளது. கமல் ஹாசனுடன் ஏற்கனவே மன்மதன் அம்பு, தூங்காவனம் ஆகிய படங்கள் நடித்துள்ள த்ரிஷா இப்படத்தில் இணையவுள்ளார்.